開心放電年初二

1 FEBRUARY 2014(SAT)

大年初二，其實我地都真係冇乜節目，都係今晚要返奶奶屋企食開年飯。

既然成個下午係屋企都冇嘢做，當然要搵啲節目做吓啦！

見MEGABOX個PLAYHOUSE今日都有開，原本都打算帶小小豬去玩返轉， 不過見個天氣真係好好，冇理由浪費左個陽光燦爛嘅天氣嘛，就係咁我地就改變計劃，近近地去觀塘海濱公園玩一轉啦~

其實嚟到依度都係打算俾小小豬跑跑走走咁放吓玩，不過今次就帶埋泡泡俾佢玩吓啦~

上排天氣唔太好，少左去公園玩泡泡，今次小小豬仲唔大玩特玩~

仲當左支泡泡係槍，話要射DADDY呀~

射完之後仲要我地扮瞓係度，真係俾佢激C呀~

哈哈哈...我當然係要反激啦~

 之後就走左去玩搖搖架，小小豬真係玩得既開心又大膽，完全唔洗我地扶，仲係度走嚟走去添~

哈哈哈...平日影相多數都係我影企佢地兩父子嘅玩樂時候，今次大肥豬就主動幫我影相，睇吓我地兩個玩得幾開心，笑得好燦爛，真係好鐘意依幾張相呀~

大肥豬見在場另一個家庭帶左部滑板車，為左等小小豬可以玩啲新玩意，大肥豬竟然問那位爸爸借玩~

雖然依個滑板車就唔多適合小小豬個高度玩，不過佢都一樣玩得好ENJOY(不過好似係大肥豬仲更加ENJOY哦)。見小小豬玩得咁開心，真係有一衝動買部俾佢玩呀！

最後我同大肥豬都已經能量用盡，都唔明白點解個小小豬可以咁好精力，所以佢就自己玩汽球~

大肥豬又嚟啲剪影相，不過都幾有FEEL呀~

唔覺唔覺我地係海濱公園都玩左甘差唔多兩個半鐘，真係估唔到小小豬啲精力可以多到NON-STOP咁玩唔覺攰呀！

不過，今日又真係玩得幾開心，又影到啲自己好鐘意嘅靚相，所以都好滿足啦！