初三新界遊 - 第五站：西貢

2 FEBRUARY 2014(SUN)

終於嚟到今日最後一個行程，就係匯合埋細路佢地，一家九口開開心心入西貢食豐富嘅海鮮晚餐啦！

我地都好耐冇入嚟西頁，一入到嚟真係覺得好熱鬧，同埋好有節日氣氛，因為佈置都好靚呀~

由於我地早左嚟到，所以就係西頁碼頭附近行吓~

唔知係唔你依期學校教緊船，所以小小豬對船特別留意，睇到唔肯走，仲話想去搭船添~

其實真係可以搭船，因為附近有啲環島觀光船，收費由幾十至百多不等。原來小豬媽都建議帶小小豬去搭船玩一陣，不過因為開始大風同天黑，我覺得唔係太安全，所以就俾我阻止左啦！

但其實如果係環島觀光遊都應該係幾好玩，所以都決定搵日等天氣好返啲，早少少入嚟遊吓船河先。

我地JOIN埋細路，就可以一齊去搵食啦！我地行左好幾次，都唔知揀邊間好，最後就決定去全記啦~

我地坐低休息一陣，就開始去揀海鮮啦！由小豬媽去幫我地發板食乜呢~

等左一陣，我地嘅美味海鮮晚餐開始啦~

豐富都未算，個味道又幾好食，尤其係個瀨尿蝦，真係好好食，我地個個都食到唔停得手呀~

食飽飽之後，我地仲未好正嘅飯後甜品，就係我地下午新鮮摘嘅士多啤梨~

粒粒都又大又甜，再加上係自己摘嘅，所以係勁鮮甜，好好味呀~

食完依個咁豐富嘅海鮮安宴之後，節目非常豐富嘅初三新界遊就結束啦！

今日真係勁滿足，一家人開開心心咁又食又玩，真係一件好開心嘅事嚟，期待出年我地又一齊去玩過食過！