Kiwi BB

27 FEBRUARY 2014(THU)

今日行過生果店，見到啲好特別嘅生果，所以就買左一盒返屋企俾依個為食嘅小小豬食啦~

依啲咪就係奇異果BB啦~

三十蚊一盒，一盒二十粒都冇，雖然好似係唔多抵，不過我都係第一次見(可能係我大鄉理)，又覺得好得意，所以都買左一盒啦~

同平時食開嘅奇異果相比，又真係好BB呀！但其實你問我，如果只係睇個外表，真係估唔到佢係奇異果，因為冇左奇異果啲特式，就係啲毛毛啦~

切開一半就知道係奇異果嚟啦！依啲BB除左頂頭嗰粒細粒粒之後，基本上全粒都可以食呀~

第一次食嘅小小豬好似充滿疑問咁哦~

經我解釋同示範之後，睇吓佢食得幾滋味~

我自己就覺得都唔錯，粒粒都好甜，不過唔知係唔係我依盒太熟，所以入口就有好淋嘅口感，依度就扣左啲啲分啦！

但亦都係因為依個淋嘅口感，所以小小豬食左碗仔入面嗰幾粒之後就話唔食，仲同我講啲大Kiwi好食啲哦！(佢當時個樣真係好認真，真係俾佢笑C呀！)

試食：自然良坊天然鈣與智高魚油DHA

26 FEBRUARY 2014(WED)

首先多謝自然良坊，因為係上兩星期送左兩個佢地皇牌產品「天然鈣」和「智高魚油DHA」俾小小小豬，睇吓小小豬知道有嘢食幾開心~

由於小小豬有濕疹關係，戒口真係要戒得好清，好多有營養嘅嘢..好似蛋、南瓜、牛肉咁，小小豬都唔食得。雖然小小豬平日嘅正餐再加上早晚兩支奶，佢都應該有足夠嘅營養。

不過小小豬越嚟越大個仔，骨骼同腦仔都開始成長，所以鈣同DHA真係好需要呀~

「天然鈣」 - 新西蘭製造，採用新西蘭至純奶源。鈣能促進牙齒及骨骼成長，增強吸收能力，強化體質，是增高發育的必須品。而天然的鈣質跟化學合成的鈣質大不相同，更易吸收，至適合寶寶幼嫩腸胃~

鈣片以白雪雪嘅獅子和牛牛為造型，就係因為無加入任何色素，真係既健康又得意呀~

雖然白雪雪，不過食落又會有啲朱古力味道，都幾好食呀！睇為食豬食得咁開心就知啦~

係食嘅同時又可以訓練一吓小朋友咀嚼一物二用，又真係唔錯哦。依家小小豬每日放學返到屋企都會自動覺問我拎嚟食呀！

「智高魚油DHA」– 以大自然的頂級野生深海鮪魚(吞拿魚)作原材料，採用新西蘭獨有先進科技，提煉出高純度深海魚油奧米加3(Omega-3)精華，嚴格確保新鮮、優質、安全可靠，絕對是孩子成長營養之選~

原本係需要吞服嘅，不過因為小小豬唔識吞，教過幾次都唔得，所以最後我地都決定吱落碗飯度俾佢食~

雖然膠囊有點硬，不過放係飯面等幾秒之後，咁用較剪一剪就好易剪開啦~

魚油丸味道有啲似帶有小小甜嘅橙味，而且魚油丸個殻係膠原蛋白造，所以就連個殻我都會剪碎晒，之後混入飯俾小小豬食埋啦~

依家每晚嘅晚餐嘅飯都會加一粒，等小小豬吸引多啲DHA，咁就精靈啲啦！

小小豬食左依兩個產品都有大半個月，係小小豬身上就好似沒有明顯變化(不過冇反應都係一件好事哦)。整體上我都覺得幾好，等我再繼續觀察吓小小豬個情況，如果好的話，一定會KEEP住食呀！

其實依個產品唔止小朋友，哺乳、懷孕或更年期婦女，或者體弱及老年人仕都好合適。另外，自然良坊都推出左唔同種類嘅保健產品，大家可以去網站睇吓呀！

 

More information :

網站：http://www.naturalsquare.com.hk/
Facebook：https://www.facebook.com/NaturalSquare

「善存」挑戰亞健康 – 有機農莊體驗日 PART 3

22 FEBRUARY 2014(SAT)

今日依個有機午餐都真係食得好飽飽，不過，原來仲有好嘢食，負責人為我地準備左士多啤梨千層酥，我仲自己整埋一份呀~

依個士多啤梨千層酥原來都係好簡單，將Mascarpone混入鮮忌廉做成CREAM，之後係即食批皮上舖上士多啤梨及CREAM，一層層咁鋪好，最後灑少少糖霜同埋少少薄荷葉，咁就完成啦~

我當然唔執輸又整埋一份啦~

食埋個好味嘅甜品，真係極度滿足，之後就準備去天然護膚品工作坊，用天然素材製作香薰驅蚊噴霧、潤唇膏及護手霜~

每人可以做三支潤唇膏，一支驅蚊水及HAND CREAM~

我們可以從玫瑰、洋甘菊及薰衣草油中挑選自己喜愛嘅香味~

等我變身工廠女工貼貼貼先~

由於我地人數比較多，所以導師就負責幫我地煮啲材料，我地嘅工作就係揀香味之後，傾入我地嘅小瓶。

先整潤唇膏~

 

之後就整HAND CREAM~

最後就整驅蚊水~

雖然我地都係做啲好簡單嘅工作，不過我又覺得好似入左實驗室咁，左倒倒右倒倒，大家有傾有講又開心咁整，所以都好好玩呀！

最後當然係可以拎啲完成品返屋企啦~

今日我地個行程真係好充實又健康，玩得好開心，如果有機會都一定要帶小小豬入嚟玩呀！

再一次多謝善存嘅邀請，等我輕輕鬆鬆咁玩左一日呀！

 

More information :
善存30日挑戰亞健康：http://www.centrum.com.hk/30days/

善存： http://www.centrum.com.hk

有心機有機農場： http://www.zeno.com.hk/

 

 

「善存」挑戰亞健康 – 有機農莊體驗日 PART 2

22 FEBRUARY 2014(SAT)

聽完健康講座之後，我地就開始去參觀有心機農莊，去摘有機沙津菜，之後仲自制有機午餐，行程勁豐富呀~

正當我地準備參觀農場之際，我地就俾一隻可愛豬仔吸引住，我地仲餵左啲菜葉俾佢食添呀~

負責帶我地去參觀嘅就係有心機農場嘅顧問，佢一邊行就同我地一邊介紹有機農場嘅種植同運作，仲介紹左好多有機種物俾我地呀~

首先我地就去參觀種植好多唔同種類嘅有機沙津菜，我地仲可以親手摘菜，作為我地其中一個午餐呀~

依度就係我地所有朋友就摘到嘅其中一籃戰利品，啲菜真係既翠綠又新鮮呀~

之後我地就繼續向前行，見到好多唔同種類嘅蔬菜，不過最吸引我同糖糖嘅，都一定係依啲好特別嘅蕃茄，好多好唔同種類，仲有唔同顏色添，黑色蕃茄、心心蕃茄我都係第一次見到呀~

負責人之後就介紹左其中一種有機農場必備嘅太陽能滅蚊器，作用係類似早上吸晒啲太陽能，晚上就會發光，啲蚊蟲就會俾光吸引住，之後佢地就唔會去破壞啲農作物啦~

大家去到依片農地，都估係種緊啲咩？後來經介紹之下知道原來係種火龍果呀~

原來火龍果係三件一造，所以依家就未有得睇。不過，我地發現左有一粒火龍果BB呀~

繼續行負責人又介紹左另一種有機防蟲，大致都係樽入面有啲液體可以吸引某種蟲，等佢地有入冇出，減少啲瓜種嘅破壞~

繼續行繼續睇，見到一支支嘅蘆筍同椰菜~

之後見到啲好特別嘅菜，就係奶白色嘅椰菜花同紫色椰菜花，真係從未見過，好靚呀~

行完一轉農莊之後，我地就準備午餐啦！先有大會為我地準備嘅燒雞同燒乳豬~

負責人正準備教我地整沙津~

新鮮嘅沙津菜~

仲有好多唔同種類嘅蕃茄~

好啦...開始做沙津啦~

哈哈...好專心咁切切切~

我地嘅製作人品，靚唔靚呢？啲菜真係好好食勁脆口，蕃茄又甜，不過負責人介紹嘅食用花我就覺得麻麻地，可能係食唔慣啦~

整完沙津就去整PIZZA~

努力中~

完成就可以拎去焗啦~

我地啲PIZZA就放入依個大爐度焗啦~

依個就係我地嘅午餐，係唔係好豐富呢~

再加埋大會為我地準備嘅紅菜頭什菜湯~

開餐啦~

席間大會仲有軟熟嘅芝士包，依個包真係勁好食，軟屬得嚟又勁香芝士味。如果唔係因為太飽，真係好想食多一個呀~

食左一個豐富又健康嘅有機午餐之後，都真係已經勁飽，不過原來仲有甜品，我仲自己整添。之後仲自家護膚品，行程好豐富呀！

《續待》

 

More information :
善存30日挑戰亞健康：http://www.centrum.com.hk/30days/

善存： http://www.centrum.com.hk

有心機有機農場： http://www.zeno.com.hk/