The Sweetcorn隆重開幕

31 OCTOBER 2013(THU)

今日真係好榮幸，因為可以獲邀出席The Sweetcorn全港首間一站式嬰兒護理服務中心嘅開幕禮呀~

 The Sweetcorn係全港首間一站式嬰兒護理服務中心，以最全面嬰兒護理服務及純天然個人護理產品為亮點，為媽媽及寶寶提供最佳的照料和享受~

雖然地方唔算好大，不過店面環境都好舒服~

鋪面唔係太大其實係有原因，因為預留左地方做活動室、育嬰間及兒童遊樂設施，免費開放俾大眾使用，就算唔嚟買嘢，一樣可以借用各設施，真係一個好貼身服務呀！

育嬰室~

兒童遊樂~

嬰兒按摩室~

負責人為我地一眾BLOGGERS媽媽準備了很多精緻的茶點，色彩繽紛嘅食物，都令人覺得特別開心呀~

真係超級鐘意依個豬豬曲奇~

依隻豬豬就係The Sweetcorn代言嘅公Logo，叫做Belly Buttons & Babies™，所有產品都會有依個豬豬呀….真係大愛呀~

好啦...活動開始啦！

首先由司儀介紹The Sweetcorn這個全港首間一站式嬰兒護理按摩服務中心，原來嬰兒按摩這個結合古代智慧及現代育兒知識的親子活動，已經風靡美加十多年，深受各地媽媽愛戴。TheSweetcorn進駐銅鑼灣佔地達2000呎，提供各種親子健康服務。此外，整個護理團隊都擁有國際認可的專業按摩師資格，能為寶寶提供前所未有的健康舒適新感受~

之後就由Belly Buttons & Babies™創辦人同大家簡單介紹~

最後就到TheSweetcorn的創辦人向我地特別介紹，特別從加拿大引入獲獎無數的有機天然護理，全人手製造嘅 - Belly Buttons & Babies™。依個產品仲係首先引入亞洲地區，TheSweetcorn係獨家代理呀！因他認為只有祟尚自然，才能擁有恆久美麗的人生；而皮膚是身體的最大器官，而護膚品的成分會因皮膚吸收而進入體內，若誤用含有毒原素的護理產品，便有機會進入身體，導致皮膚過敏，甚至引致經皮毒，長遠而言嚴重影響健康。故此， TheSweetcorn致力於全球搜羅崇尚優質天然成分的個人護理產品，並配合可循環再用的包裝，貫徹愛地球、愛環保的宗旨~

簡單而隆重嘅剪彩儀式~

Normal 0 0 2 大會仲好有心思，安排兩位小丑為我地表演雜技及魔術，令現場即刻充滿歡樂氣氛。其實主要目的都係從表演過程中，慢慢變出TheSweetcorn嘅「媽B三寶」~

之後就由司儀向我地介紹，由加拿大引入香港的三款Belly Buttons & Babies™皇牌產品，分別係紅疹拜拜潤膚霜、Pat Pat爽爽護膚霜及安睡寶寶泡泡浴~

特別介紹依支紅疹拜拜潤膚霜，獲得著名 Parent Tested Parent Approved (PTPA)2009年度殊榮，嶄新保濕成分，能改善並增強媽媽及寶寶的皮膚柔軟度，適合媽媽同寶寶一齊使用，就算濕疹皮膚都好啱用呀(真係啱晒小小豬呀)~

活動尾段其安排左Baby Massage示範，不過由於Model BB睡著了，所以就取消，希望下次有機會可以體驗親子按摩，等我可以偷師一吓再同小小豬按摩。

雖然冇示範，不過唔要緊，因為可以俾時間我地Bloggers媽媽傾吓小朋友經。大家小朋友都係差唔多大，所以真係有說不盡嘅話題，從大家傾談過程中，又學到啲教小朋友方法，都真係唔錯呀！

今日仲見到可愛嘅Chloe妹妹~

同埋好精靈嘅豬仔包，我仲抱左豬仔包添！不過，唔知係唔係好耐冇抱咁細嘅BB，所以真係好緊張呀~

今日可以見證The Sweetcorn開幕之際，仲收到幾件產品，等我試用完之後，再同大家分享啦~

新張期內，客人凡於The Sweetcorn購物滿港幣750元，即可於額外獲贈價值港幣150元的純天然個人護理產品。

The Sweetcorn位於銅鑼灣軒尼斯道489號銅鑼灣廣場中心一期21樓2105室，如果大家路經銅鑼灣都可以上去行吓，有需要都可以用佢地嘅育嬰室呀！

其實The Sweetcorn都有好多唔同種類嘅媽媽寶寶護理，大家可以去瀏覽佢地嘅網頁：http://www.sweetcorngroup.com/ 及FACEBOOK專頁：https://www.facebook.com/pages/The-Sweetcorn/