麥理浩夫人度假村

17 NOVEMBER 2013(SUN)

今日我地三口子又有新節目，就係跟主日學去旅行，去DAY CAMP玩啦~

其實今日小小豬有一個好有型嘅裝扮，不過係搭旅遊車去嘅時候，唔知仲乜小小豬竟然嘔起上嚟，仲嘔到大肥豬成身都係，好在都唔算利害，如果唔係都唔知點算啦！

一向唔怕搭車嘅小小豬都唔知點解突然暈車浪，所以一落車我地就要去換衫衫，嘔完嘅小小豬即刻謝晒呀~

休息一陣，小小豬就回覆狀態，有返精神去玩啦！

第一個目的地就係去玩跳飛機，有姿勢又有實際呀~

之後就去左做手工 ~

睇吓我地個製成品，都幾靚呀~

行過GOLF場，見剛好係入場時間，所以我地又入去玩吓啦！

其實活動主要係俾大人玩，但其實佢地都預備左一SET幼兒玩嘅GOLF工具，所以我地就可以同小小豬一齊玩啦~

哈哈哈...小小豬都係第一次玩，不過可能之前都有聽到在場工作人員教我，所以佢都好似識玩咁，仲玩得好開心呀~

行過見到有石春路，我地又去行吓。小小豬開頭都好有氣勢，不過行到一半就開始感受到石春路嘅威力，行到縮縮吓，好攪笑呀~

到左中午食LUNCH時間，原本係有BBQ，不過經過上次同大肥豬同事BBQ發現小小豬都唔多鐘意BBQ，所以我地都冇JOIN，去左成個營地唯一餐廳食。

講真，啲嘢食又真係.....(不願志評)，仲要好貴，我地依個咁簡單嘅LUNCH就成一百蚊，真係......唉~

醫飽個肚又開始玩，今次我地去玩壁球呀！小小豬之前去體育館都睇過係點玩，今次有得落場玩，佢仲唔興奮~

最後一個目的地，就係去兒童館，其實入面都有好多嘢玩，不過小小豬最吸引嘅就係依個GAME~

平時去冒險樂園玩一次都要$8，今次係FEEL得嚟又可以任玩，小小豬仲唔大玩特玩....哈哈哈~

玩完之後，原來都係夠鐘，營內各設施都關閉啦，所以我地就休息一吓，食餅餅等旅遊巴返屋企啦~

其實我地仲有好多設施都未玩，營內都仲有好多唔同種類嘅遊戲玩，不過因為時間所限，我地都玩唔晒，真係有啲可惜添。

大肥豬都話如果再有機會一定會再去依啲DAY CAMP玩，等小小豬接觸唔同種類嘅活動，多啲唔同嘅體驗呀！