8 NOVEMBER 2013(FRI)
埋嚟睇...埋嚟睇...有小小豬出浴照睇啦，睇佢玩泡泡玩得幾開心~
早前參加The Sweetcorn開幕後，收到幾件產品，返到屋企就開始即刻試用，依家可以同大家分享吓我嘅小小試用後感啦~
唔知係唔係受我感染，小小豬都好鐘意玩泡泡，之前都已經成日自己用啲淋浴露再加上海棉嚟整泡泡玩，所以依家有支咁方便嘅沐浴泡泡，當然係最啱小小豬啦！
Lavender & Chamomile Bubble Bath / 安睡寶寶泡泡浴 (每支售價港幣139元 (250ml))：泡泡浴能溫和地全面清潔寶寶嬌嫩的皮膚，持久的泡泡浴蘊含糖衍生物及燕麥提取物，具舒緩作用，溫和地潤澤肌膚。而氣味清新、性質溫和的薰衣草及洋甘菊，尤 如為寶寶吹奏安眠曲，浴後安憩入睡。此產品不用沖洗，盡享天然洗澡樂趣~
只需要用少少，就可以有好多泡泡啦~
啲泡泡都好實， 仲有好香嘅薰衣草味添~
平時沖涼時玩小泡泡，小小豬都已經好鐘意，今次仲沖埋泡泡浴，小小豬勁興奮，玩得好開心呀~
玩完泡泡浴之後，再用泡泡輕輕擦身，再用毛巾抹走啲泡泡，咁就洗完白白，完全不用沖洗，依個真係好方便呀！
洗完白白，當然係要塗CREAM保濕啦！
依支Mom & Baby Cream完全好啱小小豬用，因為對濕疹皮膚有好有幫助呀！
Mom & Baby Cream / 紅疹拜拜潤膚霜 (每支售價港幣199元 (250ml)) ： 提升媽媽及寶寶皮膚的保濕度：此產品獲得著名 Parent Tested Parent Approved (PTPA)2009年度殊榮，以表揚產品卓越質素。Mom & Baby Cream嶄新保濕成分，能改善並增強媽媽及寶寶的皮膚柔軟度。有機乳木果能舒緩肌膚因環境帶來的壓力，甜杏仁油和金盞花則可防止肌膚發紅，加上淡香的薰衣草和甘菊精油，令肌膚減少刺激，有效地解決皮疹、濕疹等敏感性的皮膚煩惱~
我自己都有試過，覺得都好滋潤，塗左上身都唔會覺得好笠。不過因為依支主力都係俾小小豬用，睇吓小小豬幾ENJOY我幫佢塗CREAM CREAM~
小小豬雙腳嘅關節位就係比較嚴重嘅地方，天氣一有少少轉就會開始好痕痕，啲皮膚又會變"鞋"，有時仲會"R"到甩皮添。
依家又係轉天氣時候，我同小小豬用左都有個幾星期，覺得個效果都幾好，係比較乾燥嘅日子，小小豬皮膚都冇變"鞋"，所以都幾好呀~
平日小小豬都會自己塗CREAM CREAM呀~
最後一支試用嘅就係Body Lotion，不過因為小小豬集中用Mom & Baby Cream，所以就由我同大肥豬一齊試用啦！轉天氣除左小朋友之外，我都大人都一樣要保濕嘛！
Cotton Candy Soothing Body Lotion / 愛甜寶寶潤膚露：(每支售價港幣159元 (250ml))作為2012年兒童創意雜誌選出的最優質新產品，Cotton Candy / 棉花糖舒緩性身體潤膚露最適合於曬太陽後、冰冷天氣或任何運動後使用，有機配方含豐富維生素及舒緩作用，能溫和地滋潤孩子的乾燥皮膚，讓父母安心使用~
其實個質地同Mom & Baby Cream都係一樣，質地都好滋潤，唔會覺得好笠。依一款仲有好香嘅糖果品，都唔錯呀~
用左之後都覺得個身好潤，唔範得好笠，仲KEEP到好耐，基本上我每日都係塗一次(洗完白白塗)，都覺得全日都好潤，身體唔痕痕啦~
整體上我都覺得依一SET產品都唔錯，相信我用完之後都應該會再去買。同埋都可以試吓The Sweetcorn嘅其他產品(尤其係個防晒，因為我買過好多款俾小小豬都好似唔WORK)，所以有機會一定要買嚟試呀！
最後，再一次多謝PR嘅安排，等我可以參與開幕禮之外，亦試用到合適嘅產品。
沒有留言:
發佈留言