我的新咭片

12 NOVEMBER 2013(TUE)

自YAHOO BLOG結束之後，除左要搵個另一個地盤繼續寫BLOG之外，仲有另一件事係需要做，就係整過一張新咭片。

終於係今日新鮮熱辣出爐啦~

其實對上一批咭片唔覺唔覺我都派左三分一，其實我都唔算多EVENT出席，所以都曾經有一刻15/16唔知印唔印新咭片好。

不過大肥豬實在太明白我心理，佢話都唔係貴，$100有300張，所以主動叫我整過批新嘅。大肥豬仲話有新咭片派係會開心啲呀！

就係咁.....有大肥豬嘅心理同金錢上支持，我就用左最新SOGO影嗰輯相，揀左兩張我鐘意嘅嚟整啦！

我就覺得比上次整嘅靚好多，起碼個色實左好多，同埋紙嘅質素都好左好多，你地覺得靚唔靚呢...哈哈哈~

呵呵呵....下次去參加活動，就可以有新咭片派啦!!