8 NOVEMBER 2013(FRI)
聽徐先生講解，其實原來要安排一部電影上映，除左本身電影質量要好之外，就連決定上映嘅擋期、戲院數目同埋地區都會有好大影響，再要加埋推廣活動，所以上映一部電影都真係唔係一件易事呀！
好啦....開始為大家介紹嚟緊迪士尼電影即張推出嘅電影啦！
不過，有少少唔好意思，雖然我都好留心聽，但始終人老左記性有限，嗰一刻我唔識得MARK低啲資料，所以有部分電影可能介紹得唔太詳細，請大家見諒呀！
首先介紹嘅當然係嚟緊12月19日上映嘅《Frozen》~
迪士尼動畫繼大受歡迎的《魔髮奇緣》和《無敵破壞王》之後，最新3D 動畫鉅製《冰雪奇緣》再展魔幻法力，由《無敵破壞王》編劇 Jennifer Lee 聯同曾執導金像提名動畫的的 Chris Buck 擔任導演，合力打造超越想像的奇幻冰封世界，展開魔法層出不窮、旅程峰迴路轉的冰天大冒險！
一個急凍詛咒，令一個美好王國長期陷於冰天雪地之中。為了拯救王國，勇敢樂觀的女孩安娜(Anna)決定夥同山中勇士基斯托夫(Kristoff) 和他的馴鹿拍檔斯特(Sven)，展開一段挑戰極險、與魔法交鋒的冒險之旅，以尋找安娜的姊姊「白雪皇后」愛莎(Elsa)，原來冰封之咒正是由她所施！途中他們遇上搞笑的神奇雪人、各式奇幻精靈、意想不到的魔法迷陣，在雪崩冰裂中一步一驚心⋯⋯他們最終能否及時挽救即將滅亡的王國？
香港版配音係由糖妹為"Anna"配音，片中負責攪笑角色"雪人"則會由少爺占配音，當日我睇左片段，都覺得好睇又攪笑，所以今個聖誕都要抽個日子入場支持吓先得啦~
《大夢想家》~
華特迪士尼先生因為兩個女兒十分喜愛童書《Mary Poppins》，承諾改編成電影搬上銀幕。但原著作者P.L. 卓華斯女士心高氣傲，對迪士尼的動畫和載歌載舞的電影風格更是嗤之以鼻，遲遲不肯答允授權。華特迪士尼遊說了20年，終於邀得卓華斯女士前來洛杉磯片廠商談電影製作細節。他花盡心思，處處退讓，卓華斯女士卻不斷挑剔為難，更因意見不合一怒而去。這時，華特迪士尼才發現卓華斯女士如此執著的真正因由，決定追往英國進行最後一次遊說，為的是身為父親一定要兌現對女兒20年來的承諾。
相信作為迪士尼嘅FANS都一定唔可以錯過依一套電影，因為係迪士尼第一套以華特迪士尼真人真事改編嘅電影，好多場景都係去到迪士尼樂園入面取景以加強真實感，湯漢斯嘅打扮真係勁似迪士尼先生呀！
順帶一提，徐先生仲話依套電影會係奧斯卡金像獎大熱作品嚟，所以都真係超級期待，2014年1月31日就上映啦~
《Muppets Most Wanted》~
相信大家對依班布分仔唔會陌生，今次電影會講述依班布公仔係全球巡迴表演時遇到嘅經歷，約2014年3月上映~
《美國隊長 2》~
一個係紐約發生嘅故事，睇片段都覺得好緊張呀！依套電影約2014年4月上映~
《Planes: Fire & Rescue》~
飛機總動員嘅續集，約2014年7月上映~
《Maleficent》~
電影以全新角度重述睡美人的故事，但就會萬惡皇后得主角，講述皇后變成為巫婆嘅前因後果，依個咁重要角色就由Angelina Jolie 飾演，電影約於2014年7月上映~
《Guardians of the Galaxy》~
五個奇形怪狀嘅人，睇個外表一啲都唔似係正義朋友，但其實佢地係英雄人物嚟，電影約於2014年8月上映。
《TOMORROWLAND》~
電影靈感來源係來自樂園內嘅「明日世界」。講一位對科學有熱誠嘅男仔童年時去到一個神秘嘅地方叫做"Tomorrowland"，到左長大之後就希望回到依個地方，電影約於2014年12月上映。
《Big Hero 6》~
一套改編自Marvel 同名漫畫嘅電影，故事嘅發生地點係一個一個以日本CROSSOVER加拿大嘅虛構城市，電影約於2015年上映。
《Cinderella》~
真人版嘅Cinderella，徐生介紹時話用左好大量資金去投夜係環境佈置同衣著服務，所以出嚟嘅影像一定係好高貴，所以都幾期待，電影約於2015年上映。
《Inside Out》~
五個公仔就正代表人嘅五種情感，依套動畫有趣之處就係會穿插幾位主角大腦入面嘅情況，好似戲中有戲咁，所以都應該幾得意，電影約於2015年6月上映。
《The Good Dinosaur》~
一個發生係當隕石冇撞向地球嘅時段，恐龍冇絕跡，人類就會變成佢地嘅寵物，唔知會係點呢？電影約於2015年11月上映。
《Finding Dory》~
哈哈哈...終於又可以見返MO仔啦，不過今集主角就變左係DORY，佢要搵返家人呀，電影約於2016年上映。
最後介紹依一套，相信好多朋友仔都一定好期待，就係《Star Wars: Episode VII》~
原來迪士尼購入左星球大戰品牌，所以大家可以又睇到星球大戰，可以繼續向太空發展啦，電影約於2016年上映。
嚟緊有咁多套迪士尼勁片，相信大家同我一樣都係會好期待，真係好心急好想快啲睇到呀！
沒有留言:
發佈留言