試飲：NESCAFÉ® Smoovlatté® Mocha

11 NOVEMBER 2013(MON)

嘩...依個百厭小小豬又係度攪攪陣，將啲咖啡一支支咁排好，都唔知係好嬲定好笑啦~

自雀巢咖啡推出了首支膠樽Smoovlatté後，大受歡迎，所以又再推出另一款新口味 - Smoovlatté® Mocha，好開心收到PR姐姐嘅邀請可以試飲，所以就送來一箱俾我地試飲啦~

今次依款新口味賣點就係雙重滋味嘅朱古力咖啡，咖啡能有助抖首精神外，更與朱古力的濃香滋味搭成絕配，是忙碌中的充電之選。NESCAFÉ® Smoovlatté® Mocha嚴選優質咖啡豆，新鮮即磨及蒸餾；加入香滑天然牛奶及香醇朱古力，精心調配黃金比例、打造香濃、幼滑的朱古力咖啡，口感絲般柔滑，帶來如絲般享受。

膠樽裝設計讓您於享用時更隨心隨意，只需扭緊樽蓋便可繼續封存，方便任何時候盡享好心情！凍飲時為您提供醒神一刻，舒緩緊張壓力；室溫時口感細膩、柔滑如絲，放鬆心情；熱飲時香郁美味，真係適合隨時隨地飲用呀~

其實我一向對咖啡都需求都唔係太大，除左極度眼瞓嗰日先會飲一杯用嚟提提神。不過依一支NESCAFÉ® Smoovlatté® Mocha又真係對令我有個小驚喜，首先一打開樽蓋就已經有好香濃嘅朱古力味及咖啡味，入口香滑之餘又好重朱古力味，再飲多幾啖就會滲出香濃咖啡味，而且味道亦唔會太甜，口感真係唔錯，相信日後唔洗等眼瞓，我都會買嚟飲吓呀！

係我地試飲當日，小小豬都在場，睇吓佢幾乖仔，幫手打開個樽蓋之餘，咁餵大肥豬飲~

大肥豬比我對咖啡要求高好多，因為佢都係每日一杯之人，佢飲左之後都讚好飲，不過依支有小小豬餵，相信佢就一定覺得特別甜....係心甜嘛...哈哈哈~

NESCAFÉ® Smoovlatté® Mocha 已經係各大超市及便利店有售，大家有興趣都可以買支嚟試吓呀！

想了解更多，可瀏覽網頁：http://www.nescafe.com.hk 或 Facebook專頁：https://www.facebook.com/Nescafe