小訓練 - 手眼協調

7 NOVEMBER 2013(THU)

今日我地又教小小豬玩左個新遊戲，主要係學習手眼協調同訓練小手指呀~

依個遊戲睇落都好似幾簡單，只係用小工具夾起啲波波，之後夾住放入小樽內~

主要就係利用依個小工具，要手指係用小小力嚟HOLD一陣夾住啲小波，就係咁可以訓練一吓手指仔嘅力度，又訓練眼力啦~

雖然小小豬啲手眼協調都算OK，不過佢用夾仔個力就差左少少，要教左好幾次先可以好順心咁夾到波波。

不過當夾到一次之後，就好似啲信心返晒嚟，好快手就可以夾到啦~

雖然小小豬都算玩得幾好，不過後段可能佢手指仔開始冇力，所以夾波波個成功率同時間都低左。不過又真係唔怪得佢，係緊張心情再加HOLD住一陣都要用啲力嘛，所以都幾難呀！

不過唔緊要，玩多啲...熟練啲...咁就可以百夾百中啦...哈哈哈！