可愛嘅為食魔鬼

1 NOVEMBER 2013(THU)

一個咁為食嘅可愛小魔鬼，唔知大家鐘唔鐘意呢~

其實依個頭箍係小豬爸送俾小小豬，哈哈哈...平日小豬爸都係COOL COOL地，雖然佢都真係勁錫小小豬，都已經成日都買玩具同嘢食俾小小豬，不過買啲應節裝飾就真係完全未諗過。

尋日返小豬媽屋企食飯時，見小豬爸拎出嚟，我都打左個突呀(當然係勁開心嗰隻啦)。因為就連貪玩嘅我都冇諗過買俾小小豬，估唔到小豬爸識得買，所以小豬爸對依個百厭豬嘅愛錫又深左一層啦...哈哈哈！

今朝一起身，小小豬見到枱面嗰兩個頭箍，就急不及待要戴嚟玩，就連食早餐都要戴住，仲不停話自己好靚，真係極度自戀。

見佢情緒咁高漲，我又配合一吓，同小小豬影靚相啦~

依排成日都係分享小小豬嘅為食樣，冇法啦....因為係食嘢嘅時候小小豬先係最開心、最古靈精怪，表情都特別多，亦都係最好影嘅時候嘛！