萬千寵愛

9 NOVEMBER 2013(SAT)

依幾日小小豬又收到好多禮物，分別來自唔同錫佢嘅人呀！

第一個當然最錫佢嘅小豬媽，買左好多嘢呀~

早前迪迪尼六折購物時，原本我都好想自己入去血拼，不過始終唔都抽唔到時間入園。最後小豬媽抵咁多，唔買嘢都好似唔係幾好咁，所以就係優惠最後嗰日，情商LULU妹入去幫佢買嘢，聽講佢地係以WHATAPP購買，最後就買左咁多戰行品啦！

其實LULU妹買唔止咁少，佢仲買小豬媽買左啲其他嘢，所以加加埋埋今次都係平左好多呀！見佢地講得好興奮，攪到我都好想去買埋一份，希望下次迪迪尼AP大優惠時，我都可以入去掃貨啦！

自從買左個停車場之後，我話過小小豬有三部車仔，應該係夠玩，所以唔會買住。雖然我唔買，不過小小豬個停車場話咁快又加添左好多車仔啦！

首先就係嘉汶表妹嘅神秘驚喜禮物，真係扺個豬仔記得表姨個電話號碼呀.....哈哈哈~

仲有LULU妹送嘅車仔，近排我地教緊小小豬認識服務市民嘅人員，亦都有教佢認依啲車，估唔到LULU妹咁醒目，買依三部車仔，等小小豬邊玩邊學呀~

最後就係小小豬舅父同舅母送嘅，雖然唔係停車場用，不過小小豬都一樣啱玩，可以俾佢帶出街玩。依期個豬仔真係勁愛車仔呀~

依個百厭嘅小小豬都唔知點解有咁多人錫，成日都收到好多禮物(哈哈哈...作為媽咪嘅我當然係勁開心啦...因為可以慳返啲啲嘛！)！