《風起了》優先場送戲票活動

24 NOVEMBER 2013(SUN)

今日有個小活動同大家分享，宮崎駿嘅FANS一定要留意，因為Yes-Parents送《風起了》優先場戲票呀~

其實宮崎駿嘅退休，真係令好多人都覺得好可惜，相信好多人都同我一樣係睇宮崎駿卡通片大，我都係宮崎駿嘅小FANS嚟，基本上佢套套都睇晒，仲一定會買碟返屋企，尤其佢套《龍貓》同《天空之成》，我都睇左NNNNNNN咁多次，真係睇到識背啦...哈哈哈！

由於宮崎駿的退休，所以依一套《風起了》將會成為創作生涯最後一部作品，所以真係特別另人期待呀！

《風起了》這部萬眾矚目的動畫巨作，揉合了零式戰鬥機的設計者堀越二郎在動盪時代下，努力追夢的故事；以及作家堀辰雄的同名小說『風立ちぬ』中，主角和患有肺結核的美少女之間，一段教人盪氣迴腸的青蔥戀情。電影主題：「活下去」，亦正正是這位已年屆72歲的動畫大師，為鼓勵當下正面對艱難時期的民眾而發放的訊息，意義非凡。

故事大綱： 上世紀20年代，熱愛飛行的男孩堀越二郎夢想有日可設計出自己的飛機，翱翔於無際的天空上。經歷了1923年的關東大地震及其後的大蕭條年代，二郎成功到東京入讀大學；畢業後他成為了航空工業的新銳精英，更重遇十年前在火車上邂逅的女孩菜穗子。可惜菜穗子已身患重症，但她仍不惜一切留在二郎身邊送上鼓勵…來自愛情的動力及努力不懈的打拼精神，二郎的飛行夢想終於實現，研發出劃時代的「零式」，卻同時被逼捲入醜惡的戰爭之中…

想睇電影預告片，可以去CLICK入嚟啦：
http://www.yes-parents.com/knowledge/article/T3/T3C500513.yp

想免費去睇《風起了》優先場，只要參加Yes-Parents舉行嘅活動"讓夢想起飛"，咁就有機會可以睇到啦！參加辦法可以瀏覽以下網址：http://woobox.com/bgk768

宮崎駿《風起了》優先場：
日期: 2013年12月14日(六)
時間: 上午10:00
地點: 銅鑼灣 MCL JP Cinema

毛公仔助學同樂日@IKEA

23 NOVEMBER 2013(SAT)

今日小小豬化身成為一個小小推廣員今日參加了，因為獲邀出席毛公仔助學同樂日，支持IKEA毛公仔助學行動呀~

 嚟到會場，第一時間就係為小小豬換件大會預先準備嘅靚靚戰衣同帽仔先，都幾有型呀~

平時小小豬一嚟到依個場地，都一定會去玩個小電腦(因為屋企佢冇得玩電腦嘛)，今次嚟到佢仲唔大玩特玩~

活動場地都佈置左好多今次依個主題嘅擺設呀~

係未開始活動之前，大會好細心為先我地準備左一啲兒童餐，有迷你芝士火腿三文治、迷你蛋沙律三文治、迷你肉丸漢堡包及有機飲品，好豐富呀~

有得食個為食豬就一定係最開心呀~

活動開始啦，先由IKEA負責人向我地講解一吓今次活動目的。今年是宜家家居第 四年在香港舉行『毛公仔助學行動』，於全球更是連續第十年舉辦啦~

之後就由助兒童會同我地分享佢地機構，同IKEA合作幫助有需要嘅小朋友嘅經過~

今年九月，IKEA便與救助兒童會一同到訪羅馬尼亞山區作慈善探訪，其中一位探訪姐姐同我地分享各種點滴~

最後以故事形式，向我地講解助學行動的意義~

各位大小朋友都乖好留心地聽呀~

終於都左今日嘅重點活動，就係各位小朋友充當推廣員，推著一車的毛公仔向顧客介紹這個助學行動，幫忙推銷毛公仔，為IKEA助學基金籌集善款呀~

出發時先來大合照~

小小豬已經急不及待出發啦~

初時小小豬都好似好合作咁幫手做推廣員~

終於都等到第一位客人啦~

雖然開初小小豬都好合作，都有幫手，就算唔肯講都會企係我身邊。不過隔左一陣，小小豬嗰種怕羞性格又嚟，所以最後都係唯有子債母還，由我去賣公仔啦~

我地賣左大約45分鐘，活動就完成啦~

雖然小小豬都唔係一個稱職嘅推廣員，不過大會都有送張感謝狀同小禮物俾依個小義工呀~

最後嚟張開心大合照，今日依個咁有意義嘅活動就完成啦~

我自己就覺得依個活動真係好有意思，既可以俾小朋友明白施比受更為有福，互相幫忙的重要之外，亦都係俾小朋友一個好好訓練，等佢地接觸唔同嘅陌生人，練習一吓膽量同與人溝通技巧。 雖然小小豬今日表現真係未如理想，不過希望下一年可以繼續有份參加，等佢學習幫助別人呀！

由於我地之後有其他活動，所以都留低食大會為我地準備嘅小吃，同埋唔記得今日再自己買公仔支持吓添(其實我地自己嚟IKEA行街街，小小豬都已經買左隻BEAR BEAR支持啦)

不過唔緊要，由即日起至2014年1月4日，凡購買任何毛公仔，IKEA基金會便會捐出$10予聯合國兒童基金及救助兒童會的助學計劃。所以下次嚟一定要帶"大灰狼吃掉小紅帽婆婆"返屋企，等同小小豬講故事時可以用呀！

其實為配合活動，所有毛公仔都會還有85折，有啲公仔特價後只是$7.9，但IKEA照樣捐出$10善款，所以真係非常值得支持呀！

此外，大家仲可以將買來的毛公仔放喺出口「愛心收集箱」， 毛公仔就會轉送畀有需要嘅小朋友，將愛心傳開去！

想了解多啲IKEA，可以去佢地網址：WWW.IKEA.COM.HK  或者FB專頁：https://www.facebook.com/ikeahongkong

開心小小豬

22 NOVEMBER 2013(FRI)

我今日屋企有開心事，所以就獲邀去食餐開心晚晏，睇吓小小豬笑得幾開心~

由於我都仍然係唔太俾小小豬食街外嘅食物，習慣左如果要出街食飯時，都一定係屋企同佢食左先，所以通常都係我地食晚餐時自己玩。

小小豬都係百厭豬，當然唔會肯乖乖就範，成日都攪攪陣，所以每一次出街都一家大袋細袋做準備，以備不時之需，等佢可以乖乖坐定定等我地完成晚餐。

不過，其實我地都知道咁唔係辦法，所以大半年前開始，都同佢訓練，每次都只係俾小小豬帶一至兩種玩具，希望可以訓練一吓佢嘅耐性。

經過大半年時間，其實小小豬都已經有好大進步，當然仍然仲有改善空間。

不過估唔到，今日嘅飯局小小豬都真係好乖，三個多鐘嘅飯局全程乖乖坐定玩車仔同糖仔，仲玩得好興奮添~

睇見小小豬開始有改善，慢慢進步，作為媽媽嘅我一定係非常開心啦！我相信小小豬佢自己都係都好努力發力中，相信好快就可以成為一個好乖又可愛嘅小朋友嚟呀！

加油呀...小小豬！