Lady Qooza - Telford MaMa Gathering

2 JULY 2013(TUE)

首先要多謝Lady Qooza邀請，等我今日可以參加係德福廣場『宮 MIYA』餐廳內舉行Telford MaMa Gathering~

其實我都有係龍鳳媽媽網誌睇到排德福廣場最迎所舉行嘅活動TelfordBeauty，之前幾個活動都係講美容扮靚。不過德福廣場都有一系列商店係專買嬰幼兒產品，所以就安排左今次依個活動，向我地一眾媽媽BLOGGER介紹最新嘅幼兒產品啦~

等我先嚟介紹吓今日間餐食啲乜先？其實『宮 MIYA』日式半自助放題，揀一個主菜，其餘湯、飲品甜品、烏冬、關東煮、沙律都係任飲任食~

我所揀嘅就係三文魚扒配花竹蝦~

整體上食物都尚算OK，我個主菜嘅三文魚同蝦都好有鮮味。不過個半自助放題我就因為未出席活動前個肚都唔係好舒服，所以唔係食得好多，未可以試清楚啦！

首先就係美國童鞋品牌Stride rite的代向我地講解如何為小朋友選擇合適的鞋，不同年齡的小朋友對鞋的要求亦有所不同，鞋嘅柔軟度、承托力及控制力亦要因應成長階段而作出的需要改變~

原來鞋係要由細細個開始就要配合成長而作出調整，由細培養係好重要，就好似0-2歲為例，都有不同質料嘅鞋嚟應對小朋友嘅成長，所以Stride rite為依一組別推出左三個STEP，嚟配合小朋友呀！

粉紅就係STEP1，灰色就係STEP2~

STEP 1：學行前的小朋友，鞋仔以柔軟物料製造，鞋底超柔軟，可以隨著小寶寶的每一步伸展和屈曲，讓小腳能在最自然的情況下成長。彈性鞋口設計確保鞋子百分百合腳，鞋子也不會輕易鬆脫~

STEP 2：初學行的小朋友，仿照寶寶足型設計的鞋型和圓滑舒適的鞋邊自然緊貼小足，協助建立寶寶步行的信心、減少絆倒與跌倒的機會~

此外，由此階段開始，所有鞋仔開始附有可檢查腳度的可除式鞋墊，讓我地知道什麼時候需要為小寶寶更換鞋仔，避免因誤時影響腳仔的生長。

STEP 3：走走跳跳的小朋友，沙漏型鞋底中部構造及鞋踝位置能承托骨骼及肌肉成長，能讓暫未完全站穩的腳仔得到支持~

2-5歲系列，鞋底韌度加強提升承托力，但仍然柔軟，不會影響小朋友活動。此外，鞋的後跟杯興鞋身的硬度輕度增加~

5歲以上系列，的跟杯及鞋身硬度漸漸增加，前掌柔軟可屈折。此外，鞋抽及魔術貼可輕易拎起，方便小朋友自行穿著~

聽完介紹之後，發覺原來幫小朋友買鞋都係要有咁多事要注意，等我下次同小小豬買鞋仔時，一定要留意依幾方便，等小小豬可以有對舒舒服服嘅鞋仔俾佢周圍走先得！

另一個主題講解就係向我們介紹幼兒用品~

奶樽 - 奶咀嘅特別設計，奶瓶側旁呈35度傾斜，可以讓我地係最輕鬆角度餵餔BB，同時亦方便BB自己飲奶奶同時，減少飲風機會~

電子蒸汽消毒器 - 兩層設計可單一或兩層一併使用，方便收藏。消毒時間為七分鐘，在不打開蓋子時，消毒能力能維持廿四小時~

矽膠指套 – 與我地買開嘅唔同，套於指公及食指就可以，可以清潔及靈活地拎起各用品~

仲有一隻小匙，有眼睛顯示，可以教導小朋友進餐時可以專心睇住眼仔，亦可以教小朋友正確拎拎匙的習慣~

哈哈哈...依個真係啱晒小小豬，因為佢自己食飯時真係唔多專心，又成日用左手勢嚟拎匙，所以有依個都真係幾好呀！

電奶泵 – 有三個泵奶角度，方便以用最舒服的姿勢泵奶~

Babybjorn Carrier One揹帶 - 可根據BB不同階段來調節，可以有四種揹法，適合初生至3歲小童使用。 此外，腰墊及軟墊肩帶易於調較，BB重量能適當地分散到不同受壓處舒緩壓~

Konfident浮水背心 - 防UV保暖貼身潛水料，耐用浮水，彈性又保暖。最特別係背心八個抽取式浮水棉可隨意調較數量，可以方便小朋友逐部學游水~

依件浮水背心可以話係全晚我至愛嘅用品，因為我地都打算係依個暑假多啲帶小小豬去游水，定左個預期可以係今個暑假一定要學到一種泳式。有左依件背心，可以多一輔助，應該會事半功陪，下次去游水一定要試吓著嚟玩呀！

隨著兩個介紹，今日嘅Gathering就結束啦！

除左有得食，仲有好多禮物收呀~

Dr.Kong雖然冇嚟介紹，不過都有小禮物送俾我地呀~


依個晚餐真係好充實，可以知道好多最新BB資訊，所以都獲益良多。最開心就可以又食又聽又有好多禮物收嘛！