係我尋日煲紅豆沙時,大肥豬叫我留起幾粒俾佢,教吓小小豬種紅豆,等小小豬可以學習種植物之餘,亦可以學習觀察。
咁好玩又有意思嘅活動我當然係支持啦,所以尋日就留起幾粒,浸多一晚水,等今日就可以同小小豬一齊種紅豆啦~
對啲紅豆好有興趣哦~
先整濕啲棉花先~
一粒一粒紅豆慢慢擺入杯仔~
好一個傻豬樣呀~
完成晒幾有滿足感~
小小豬仲將啲紅豆一杯杯好小心咁放係窗台~
仲估佢唔到,主動話要請佢對新朋友仔幫手照顧紅豆添~
依家已經教左小小豬每日都要佢同紅豆講早晨,睇紅豆生長情況同埋淋水。希望經過依個種紅豆,小小豬可以學識種植物,等佢對植物多一點認識啦!
沒有留言:
發佈留言