3 JULY 2013(WED)
依排FACEBOOK個光波爐食譜專頁,有一個波友仔教左大個整KFC雞翼。見整嘅方法都好簡單,所以我好偷師學整啦!
包炸雞粉都真係幾難買,我行左好幾間都買唔到波友仔用嗰隻,最後經職員介紹,就買左另一款。
唔知係唔係粉唔同,所以我整出嚟個樣就唔多似KFC款,不過,我整出嚟個樣同味就似係茶餐廳嘅炸雞翼,勁鐘意食炸嘢嘅大肥豬話好味道有四粒星呀(五粒星係滿分...哈哈哈)~
材料~
首先用鹽焗雞粉醃三個鐘(我8隻雞翼用半包粉)~
之後係臨波之前上一層炸雞粉~
高架250度光8MINS,反轉再光5MINS,之後再反轉光多1MIN~
一碟既簡單又好味嘅炸雞翼就完成啦~
除左雞翼之外,依個方法仲可以用嚟整雞脾、雞胸,我仲見過有朋友仔整成隻雞添。真係好味又好玩,有時間可以試吓先...哈哈哈!
其實依款都已經好好,不過都等我都再去搵吓波友仔介紹嗰款炸粉,希望下次整到KFC雞翼啦!
沒有留言:
發佈留言