早前睇Yes-Parents，見到佢地有好特別嘅暑期活動，可以利用一天的活動，更了解小朋友嘅個人潛能，同時亦係一個好獨特的親子歷奇體驗。
整個活動係以體驗式活動及軍訓歷奇輔導模式達致：提昇自律精神、遵守規則、培養紀律及聽指令；發掘孩子個人潛質及提升專注能力(依啲係我覺得小小豬最需要學習嘅地方)。
另外，仲可以學到：加強自信、勇於面對困難和逆境尊重同伴及強化團隊精神；掌握有效溝通，學習妥善管理人際關係和分享意見；鍛鍊大小肌肉, 增強力量與靈活程度
其實一向我地覺得小小豬都比較怕羞，又唔多肯主動同其他小朋友玩，所以見到依個活動時，真係覺得好吸引，好想小小豬參加依啲活動，等佢可以見多啲人之餘，亦又可以參與一啲與平日唔同種類活動。
有得玩又學到嘢，所以就即刻報名參加左啦~
講真到報名嗰一刻我都仍然係好擔心，始終小小豬都仍然係細，佢都係"猛車邊"去參加，相信佢都應該係成個活動最細嘅一個，所以都好難唔擔心佢會唔合作，唔肯做啲指令，扭扭計計咁。
不過唔理啦，去到玩先算，可能小小豬見到啲哥哥姐姐玩得咁開心又投入，佢會好乖乖呢！我應該要俾多啲信心小小豬先係呀！
哈哈哈...依家都真係有少少緊張添，唔知小小豬會點呢？仲有....唔知小小豬著上件迷彩衫係點呢？真係好想快啲到活動當日呀！
到玩完之後，我再同大家分享小小豬當日嘅趣事，同個型仔LOOK啦！(希望真係型仔啦)
如果大家對活動都有興趣，都想報名一齊去玩，可以依度睇吓呀：http://bit.ly/14iE85i
沒有留言:
發佈留言