攪攪陣

7 JULY 2013(SUN)

今日見天氣都唔多好，所以就搵啲室內地方活動一吓。近近地就去MEGABOX行一轉，打算去同WINNIE THE POOH影吓相。

點知原來下午有活動，就SET好晒個場，所有公仔都圍住晒，影唔到相啦！

冇得影相，所以就去IKEA行一陣，又俾小小豬玩一陣玩具啦~

行一行入IKEA，我地就為小小豬買左一件傢俬。係未講我地買左乜時，睇吓依個攪攪陣嘅小小豬~

係我入廚房準備小小豬嘅午餐時，佢地兩父子就嚟攪攪陣，將件傢俬當係平衡木嚟行呀！不過....都係大肥豬教佢先識咁玩，所以話呢....佢地兩父子成日都俾啲驚嚇事我。雖然都唔算係高，不過如果一失重心，跌落嚟都傷傷地嘛，有時真係俾佢地兩個激C呀！

不過.....話時話，小小豬又行得幾好，第三次開始就可以一口氣行晒成條啦~

小小豬攪事又點只咁少啦！

佢見大肥豬開始拆箱整砌嘢時，佢又話要幫手整，仲成包螺絲拎住，唔俾我地拎呀~

真係好似模似樣，好似係度上緊螺絲哦~

完成啦~

其實係因為我見小小豬啲圖書開始多，想搵個書架俾佢可以齊整咁放好啲書同埋與圖書相關嘅玩具。同埋都好想令佢習慣擺放圖書位置，好似一個圖書角咁，就可以等佢自動自覺去拎圖書睇。

不過....就係因為買左依個架，我就要放棄左擺油畫嘅位置，要再重新搵個靚位放我幅結婚相啦！.所以話呢...有左小朋友嘅屋企，基本上所有事都係以佢地行先呀！(不過......我又非常願意哦)