玉鈪再現

2 JULY 2013(TUE)

話說早起大半個月前，發生左一件肉痛事件，陪左我十N年嘅玉鈪要離我已去。

正當大肥豬話搵機會買過隻俾我嘅時候，今日小豬媽就送左一隻玉鈪俾我啦~

其實依一隻玉鈪嘅年資比我舊嗰隻仲耐，係我還未有玉鈪嘅時候，小豬媽就已經買左嚟自己戴。不過，當時因為工作關係，小豬媽怕整爛，就除左收埋左，一收就收到依家。小豬媽話佢都唔戴，所以就將佢轉贈俾我啦！

依隻玉鈪真係又綠啲、靚啲、重手啲同又貴啲(係嗰上次嗰隻嘅幾倍呀)，戴上手真係有啲壓力！除此之外，最重要係小豬媽亦曾經帶佢供天(即拜神其中一重)，可以保我平安~

小豬媽仲即刻幫我戴上手呀~

得左....係唔係好靚呢~

多謝我最可愛嘅靚靚小豬媽，真係愛C您呀~

我一定要俾之前更加小心戴依隻玉鈪，除左係價值之外，依個亦都係小豬媽對我嘅一份祝福嚟嘛！