沙灘新裝

8 JUNE 2012(FRI)

今日小豬媽買左三份小禮物俾小小豬，全部都係同去沙灘有關。

首先就係米奇泳衣同水泡~

小豬媽知道小小豬勁愛MICKEY，所以見到就即刻買俾佢，等小小豬下次去沙灘時可以嚟個MICKEY裝呀！

另一個就係一對蟲仔膠鞋~

其實點解會買鞋仔俾小小豬？事緣上次同小小豬入石澳玩沙時，當小小豬行沙灘時，我地都冇俾鞋小小豬著，係想俾佢感受一吓係沙上面行嘅感覺。

不過當小豬媽睇相見到小小豬冇著鞋玩沙嘅相時，就話我地仲乜唔俾鞋仔佢著，話啲沙入面可能會有碎玻璃或者啲硬物，小小豬行嘅時候可能會整親。就係因為依個原因，小豬媽就平平地買左對膠鞋仔，等小小豬下次去沙灘時著啦。

下一次再去沙灘嘅時候，如冇意外天氣又好的話，就應該係端午節去游龍舟水，到時依一SET新裝就可以出場啦！

哈哈哈....小豬媽真係錫到依隻豬仔燶呀！