指定動作

4 JUNE 2012(MON)

還記得第一次返PLAYGROUP時，SONIA姐姐教話俾小朋友食嘢或者玩時，都要係之前同佢數五聲，等佢學習一吓耐性。所以我地由嗰時開始，都會叫小小豬數吓先會俾佢食嘢。

當然....當時小小仲細就由我地嚟數，到佢慢慢開始大個仔，又識得識ONE TO TEN時，我地就同佢一齊數。係開頭嘅時候，小小豬都未完全話可以數得到，有啲音佢都發唔到，不過我地都KEEP住有繼續教佢。到左依排已經好左好多，已經可以順住嚟讀，只係SEVEN個音就差少少，所以次次都唔讀SEVEN。

今朝返工冇耐就收到小豬媽WHATAPP條片俾我~


嘩....小小豬可以好清楚，發音都算幾準咁讀晒ONE TO TEN。睇到真係勁開心，真係不得不讚一讚吓小小豬叻叻先得呀！

不過，除左小小豬之外，我知道小豬媽、LULU妹都出左好多力，成日都教小小豬讀英文，所以都係佢地功勞嚟呀！