公園仔放電

5 JUNE 2012(TUE)

今日放工之後，見樓下公園仔唔多大風，所以就同埋小豬媽、LULU妹一齊帶小小豬啦落公園仔玩吓，放吓電！

睇吓依個傻豬仔一落到公園幾開心~



又用左佢最鐘意嘅方法，行條滑梯上去玩~


落親公園都一定玩依個轉轉轉~




玩完轉轉，依個豬豬又走去佢另一至愛度玩，就係依塊板~


有乜咁好玩，咪就係鐘意讀入面啲英文字，真係傻仔仔嚟呀~



上次去沙灘買左個波波，所以今次就帶埋落去玩~

玩都攰仲識得坐一陣休息吓添~


個傻豬仔今次對啲草好有興趣，不停叫"GREEN"，仲坐定定係個波波度究竟添~

其實帶小小豬落公園玩除左等佢放電之外，亦都好想佢同其他小朋友一齊玩，始終屋企得佢一個BB，合群性係會差少少，所以打算帶佢同朋友仔玩多啲，希望改善吓依方面。

前幾次落公園小小豬都冇理會其他同場小朋友，不過今次就發現佢有停低留心咁望其他小朋友玩乜，有另一個小朋友行埋嚟一齊玩BUBBLES，佢都同嗰位小朋友行CLOSE左一齊拍，所以都叫做有好大改善。

所以我都打算如果天氣許可，我放工都會多啲帶小小豬落公園玩，等佢可以識多啲朋友仔。雖然係辛苦少少，不過為左小小豬，我都覺得值得呀！