家常便飯6.21+驚喜甜品

21 JUNE 2012(THU)

係今日未講我地嘅晚餐嘅時候，先嚟介紹小豬媽買俾我嘅新戰衣先~

哈哈哈...小豬媽真係廿四孝婆婆，買嘢都係買小小豬至鐘意嘅MICKEY。當我一著上身時，小小豬就跟住我，仲不停叫MICKEY...MICKEY，又係度數我啲MICKEY，真係俾佢笑C呀！

今晚就簡簡單單嘅晚餐~

薑蔥雞~

麵豉豆角炆排骨~

今晚雖然就簡單左少少，只係煮左兩個餸，不過大家都食得飽飽好滿足咁呀！

晚飯過後，小豬媽就俾左個SURPRISE俾我地，就係整左個飯後甜品...西瓜/芒果涼粉~

涼粉我就真係麻麻地，因為次次食完都會頭暈，所以都真係唔敢食太多，通常係屋企先敢食，因為食完可以即刻跳上床瞓嘛！

不過今次啲涼粉小豬媽主要都唔係整俾我食，因為佢知道大肥豬鐘意食就整俾佢，所以話呢......其實我都係猛車邊...哈哈哈！