家常便飯 6.02

2 JUNE 2012(SAT)

又嚟今晚嘅家常便飯，連出左三日都係講煮飯仔，希望冇悶親大家啦！

今日嘅晚餐~
 

先嚟.....蒸魚，我終於記得依條係叫細鱗~
 

其實我真係唔知啲游水魚係有乜分別，條條都好似係差唔多樣，所以都真係唔係好識買，只係知道一定要買有鱗嘅魚就可以，所以魚名對我嚟講都真係…一舊雲咁。不過，盡我努力去學啦！

另一款就係蒜蓉勝瓜~
 

最後一碟就係我洋蔥豬扒~
 

請容許我自誇一吓，暫時我煮咁多餸(其實都真係唔算多..哈哈)，依個係我煮得最有成功感同自豪感嘅其中一個餸。因為屋企人都讚煮得好味，仲間唔中都叫我ENCORE。

我覺得入廚最開心就係得到家人嘅讚賞，同埋見佢地食得商興，依個亦都係我推動我繼續煮飯仔嘅原因之一。 



洋蔥豬扒

材料：
豬扒 約八片
洋蔥 一個

調味料：
李錦記調味包 (我用左中式豬扒)

製法：
1. 豬扒洗淨，抹乾水後用刀背剁鬆，再切成小塊，加入生粉、老抽、糖及水少許，醃約半小時。
2. 洋蔥去衣，洗淨後切塊。
3. 於易潔鑊燒熱油，下豬扒略煎至金黃色，盛起備用。
4. 用餘下油爆香洋蔥，加入李錦記調味包，豬扒回鑊煮至熟即成。