今日雖然冇乜陽光,不過天氣都算幾好,唔太熱又唔太凍,所以我地就帶左小小豬去石澳沙灘玩吓,等佢放放電。
我地入到石澳都算早,所以成個沙灘都冇乜人,我地搵到個有利位置之後,就開始玩啦!
先帶小小豬行吓沙灘熟習吓個環境先~
其實我地都帶晒泳衣同水泡,打算落水玩。不過因為冇乜陽光,啲水都凍凍地,我地為免小小豬凍親,所以最後係決定唔落水,只係玩吓沙就算~
初時小小豬都表現出幾怕啲沙,不過玩耐左就開始習慣,仲唔玩得不知幾專心,成條褲仔都係沙。由此當初我地決定游水,所以都有帶游水片片去,於是我地就換左條游水片,等小小豬玩得暢快啲~
我地除左玩沙之外,仲玩波波添~
玩到差唔多走嘅時候,太陽伯伯出來了,小小豬都開始出汗,所以就嚟個光豬豬LOOK啦~
今日都玩得好開心,唯一美中不足就係唔可以落水玩。不過唔緊要,依家先係夏天嘅開始,我地大把時間帶小小豬去沙灘玩呀!
沒有留言:
發佈留言