「頭」入迪士尼黑色世界 ~~ 日場

8 OCTOBER 2011(SAT)

今日同糖糖仲有小肥肥入左迪迪尼去依個嚇鬼之旅，由於我同小肥肥都有AP，所以我地就早啲入去影吓相先。

今年啲佈置真係好靚，係幻想世界有好多南瓜佈置，真係好得意勁可愛呀~

之後就入去SHOP行吓過冷河先~

由於飛天巡遊上次都睇左，所以我地就利用嗰段時間去排哈咾喂版米奇，點知...都係勁多人，我地足足排左成個鐘先到影到，不過咁靚，排咁耐都抵啦~

影完之後就去搵唐老鴨，今次好好多，排左半個鐘唔洗就影到啦~

影埋依個時間都差唔多，等埋糖糖之後，我地就開始夜場活動啦！