今日入迪迪尼玩左成日，雖然真係玩得好開心，不過可以話玩到得番半條人命，攰嘅指數都有成十級。由於我地掛住玩，所以都冇食過晚餐，所以係回家途中又真係又攰又餓呀！
返到屋企附近都成十二點，好多食店都已經CLOSE左，不過唔食嘢又唔得，所以就方便啲買左個杯麵返屋企，可以快快手食完就跳上床就瞓。
就係我洗完白白出嚟嘅時候，就已經見到有個整好左嘅杯麵係枱面啦~
其實今日大肥豬放左我出去玩成日，自己就一個做湊仔公。雖然我都整好晒啲粥粥同開奶茶先出去玩，不過成日得一個照顧小小豬都實在幾忙碌。之後又等我門，又係我返到屋企幫我整宵夜（其實係晚餐先真〉，嗰一刻都真係勁開心呀！
有時真係覺得唔洗買什麼什麼名牌，食啲什麼什麼嘅美食，只要係大家心目中為對方著想，真係就算一個杯麵都可以好滿足，食得幸福來！
沒有留言:
發佈留言