PLAYGROUP已經進入倒數，今日已經係第八堂，即仲有二堂就完成晒成個課程啦！
一入課堂就例行活動，先玩玩具WARM-UP吓先~
之後就點名唱遊時間，依個小小豬真係好攪笑，唱歌仔時又唔肯坐定定，不過每唱完一首歌仔，佢都係最快拍手嗰個，真係俾佢笑C呀！
今堂第一個活動就係教識認頭仔，老師俾左個汽球，教佢地用個頭仔嚟頂。唉..見到個汽球班小朋友又點會乖乖咁只係頂個波波呀，基本上個個小朋友都完成唔到依個動作，因為佢地只係想用手去捉住個波波呀~
第二個活動就係行障礙賽踢波波。前幾堂小小豬都好叻叻咁可以行好多次個障礙賽，仲越行越開心。今日真係唔係好在狀態，行左幾個圈之後就唔肯行，仲開始扭計添~
之後就到左小小豬最開心嘅時間，因為就係茶點時間啦！依個小小豬有得食嘢真係特別開心呀~
最後一個活動就係訓練小手指，將啲貼紙貼係小朋友身上面，等佢地自己搣返出嚟，依個小小豬都算幾專心，好快就完成晒啦~
最後，老師同小朋友玩吹泡泡，睇吓小小豬玩得幾興奮，佢真係好鐘意啲泡泡呀~
今日整體上小小豬表現都唔係幾好，可能係因為冇瞓晏覺，加上又開始出牙仔，所以就忟忟憎憎又有少少扭計啦！仲有兩堂，希望嚟緊會好啲，俾心機學埋佢啦！
沒有留言:
發佈留言