自從小小豬開始出牙仔之後，我成日都話要買牙刷俾佢，等佢可以學擦牙。不過大肥豬就唔多建議，話小小豬啲牙仔仲細，怕會影響都啲牙肉，所以直到依家都未去行動買牙刷。
不過...今日小小豬都擁有佢啲牙刷仔啦！
事緣上星期小豬媽帶小小豬去同親戚飲茶時，佢地就傾開小小豬，之後姨姨話佢都識牙醫朋友，可以介紹一啲啱BB用嘅牙刷仔。所以今日就拎左啲牙刷仔同牙膏送俾小小豬啦~
哈哈....啲牙刷細細隻真係好得意呀！
依家小小豬都只係得幾隻牙仔，所我應該暫時唔會用牙膏住，依家用牙刷同清水擦吓先，等佢習慣一吓擦牙嘅感覺先，到真係再大個仔先用牙膏啦！
我地打算由明天開始，就會教小小豬係夜晚覺覺豬前擦牙仔，唔知小小豬幾時可以學識呢？哈哈...不過依個為食仔仔，一有啲放入口就會咬，所以都真係唔知要學幾耐先識自己擦，希望唔洗教好多次啦！
沒有留言:
發佈留言