開心兩父子

8 OCTOBER 2011(SAT)

好耐都冇帶小小豬落公園仔玩，趁今日天氣幾好，所以就落去玩一陣，等小小豬舒展一吓，放吓電先。

唔知我地係唔係早早地，所以成個公園都冇人，我地三個玩晒咁。暫時嚟講小小豬都只係鐘意玩瀡滑梯，所以一入到公園就指住話要去滑梯嗰邊。不過佢唔係瀡落嚟，係鐘意沿滑梯爬上去，真係俾佢笑C呀~


睇吓小小豬個鬥心樣~

充滿自信嘅小小豬，真係好鐘意呀~

玩玩吓又嚟CHOK樣啦~

之後大肥豬就抱住小小豬一齊瀡豬仔，第一次玩時睇吓小小豬個樣....好似驚驚地咁哦~


第二次就開始識得瞓係度，不過都仲好似有少少驚~


之後幾次習慣左，睇佢地玩得幾開心~


真係笑到見牙唔見眼呀~

玩左一陣，小小豬都玩到有啲汗，所以就返屋企洗白白。依個小小豬玩到唔捨得走呀~

睇見佢地兩父子玩得咁開心，我都好想玩埋一份呀！

下次等我一落到公園就霸住小小豬先得...哈哈哈哈！