上幾次落公園玩都冇帶埋支泡泡槍落去，所以冇得玩，今日終於都記得帶，小小豬又有泡泡玩啦！
落左公園仔玩幾次，依個小小豬都已經認得行去公園條路，睇佢知道行去公園仔時個樣幾開心~
一入到公園仔又係度偷笑，緊係知道有得玩開心啦~
開始玩泡泡啦，睇佢玩得真係好開心~
超鐘意依張相，好有FEEL呀~
可能我地晏落去，所以冇其他小朋友，只有我地一家人玩，所以冇其他小朋友一齊玩泡泡。如果有其他小朋友一齊玩多啲互動，相信小小豬應該仲開心呀！
不過原來泡泡相真係好難影，顧得小小豬個樣時，又冇晒泡泡，當有好多泡泡時，又影唔到個樣，所以話都真係好難。唔知有冇朋友仔可以教吓我地點先可以影到啲靚嘅泡泡相呢？
沒有留言:
發佈留言