VMV 給我的生日禮物 + 試用分享

4 AUGUST 2011(THU)

早前成為左「VMV 零敏感試用大使」之後，去左佢地銅鑼灣分店領取試用物品時，佢地職員即時安排埋我JOIN MEMBER。開頭都以為JOIN MEMBER只係KEEP低我地嘅資料，唔會有其他優惠。點知...前日收到佢地SMS，叫我去拎份生日小禮物呀！

今日放工要出一出銅鑼灣拎嘢，所以就順路上去拎埋份小禮物。開頭都以為係啲其他產品嘅SAMPLE試用裝，不過原來唔係，係一支零售版唇膏嚟呀~


個色雖然就沉左啲啲，不過薄薄地塗左上咀又幾OK哦(免費嘢就唔好要求咁高啦...哈哈)。

之前都有好多公司係生日月送啲禮物嚟，不過好多都係一啲細細件嘅SAMPLE，又或者係啲要買滿幾多錢先可以用到嘅COUPON，有時真係用唔著呀！

今次收到VMV依一份生日禮物，到真係覺得幾窩心。雖然未必真係用得著，不過起碼係送一件實物，感覺真係唔同啲呀！

所以真係要再一次多謝VMV呀！

講起VMV，之前試用佢地個Boo Boo Balm，等我都分享吓試用感先。

我地都試用左大約一個星期，整體上都覺得效果幾好。前幾日，當小小豬咀角出左濕疹粒粒時，我就開始用Boo Boo Balm幫佢塗，當然唔係一塗即消，咁我就開始早晚塗上。幾日之後，發現啲濕疹明顯有改善，已經消左好多啦！

由於小小豬四肢嘅關節位都有少少濕疹，佢又未到好嚴重嘅地步，只係好『鞋』咁，所以我都有係洗白白之後，於關節位塗上Boo Boo Balm，用左幾日左右，依家都開始冇咁『鞋』，所以我都會KEEP繼續用，等小小豬可能快啲做返一隻『滑滑豬』呀！

除左俾小小豬試用之外，我都有試呀，我就當用作潤唇膏，係晚上睡前薄薄地塗上一層，當唇MASK嚟用。用後發現佢真係幾潤，起碼第二朝起身個唇唔乾，唇紋仲減少左啲添。

另外，早係拎試用品時，職員姐姐俾有三張$100 CASH COUPON，如果大家有興趣想要嘅話，咁就留言通知我啦！