再戰迪迪尼

6 AUGUST 2011(SAT)

嘩哈哈....自從有返張AP之後，真係要密密入去玩先得。不過..今次我地就唔係一家三口入去玩，只係得我同小肥肥兩個人入去。

今日又遺棄左佢地兩父子添，不過今次都係大肥豬建議我入去玩，叫我開心咁去玩，暫時忘記啲唔開心嘢，放鬆一吓咁話呀！

其實我今次入樂園最主要都係為左拎生日月嘅優惠COUPON，等小小豬生日時用，咁即係都為左小小豬先入嚟啦(有人為左去玩搵藉口就真)~


上兩次三口子入迪迪尼都因為又晒又熱，為免小小豬辛苦，所以都冇睇到飛天巡遊，今次終於有機會睇到啦！個飛天巡遊真係好靚，睇到我都勁開心呀~

今次入嚟另一個目的，就係搵五周年特別版嘅米奇米妮影相(因為上兩次都勁多人..排唔到呀)~


之後就周圍行周圍影啦~
 

天氣實在太熱，所以我地行吓就走入SHOP行吓過吓冷河，就係咁....我買左一份生日禮物俾自己，一隻閃閃嘅介指仔~


由於天氣實在太熱，加上我地又有下場，所以六點幾就走啦~
 

我入嚟迪迪尼咁多次，都未曾試過做訪問，今次終於都試到啦！其實做訪問都係其次，我同小肥肥都係為左依啲小禮物呀..哈哈~

今日真係勁熱又勁晒，我地又行左好多地方，所以真係勁攰，對腳都好似唔係自己咁。不得不承認自己真係年紀大，行幾行就攰到想C咁...呵呵！

雖然我真係好想帶埋小小豬入嚟一齊玩，不過今日口咁嘅天氣，真係好在冇埋佢一齊嚟。因為我地大人都咁辛苦，何妨小小豬呢！所以下次都應該等九月或十月天氣冇咁熱先再帶佢入園玩啦！