小小豬一歲了

10 AUGUST 2011(WED)

HAPPY BIRTHDAY TO YOU 
HAPPY BIRTHDAY TO YOU
HAPPY BIRTHDAY TO KINSEY
HAPPY BIRTHDAY TO YOU 

終於等到小小豬一歲了，由不知不覺有了BB，再到十個月嘅懷孕體驗，再睇住小小豬由由一舊無咩意識既飯團，到依家真係好似識聽你講嘢、好似識的同你傾計，又好似識得令你開心，當然係會有曳曳豬嘅時候。睇住依啲種種情景，真係不得不覺得時間過的好快。

睇住小小豬嘅依一年嘅成長，真係覺得好似經歷左好多，仲感覺到生命好奇妙。當你見到小小豬識每學識一件事嘅時候，你總會比得到任何嘢嚟得開心(尤其係當佢肉緊地錫錫嘅時候，真係冧晒呀！)。當你有沮喪嘅時候，一見到小小豬，就感覺到做起所有嘢都係有動力，見到小小豬開心嘅時候，真係蓋過所有嘅辛酸唔開心，正能量即刻回來！真係可以話從未有一個人如此影響自己呀！(哈哈...大肥豬睇到實會呷唶，不過冇法啦...邊個叫小小豬係我嘅心肝椗呀！)

 一年前嘅小小豬~

 
一歲仔嘅小小豬~

我同大肥豬亦都會為小小豬嘅將來繼續努力，唔期望佢有啲特別高嘅成就，只係希望小小豬永遠都開開心心、健健康康，成為一個心地善良嘅乖寶寶。