青衣城的藍精靈

6 AUGUST 2011(SAT)

離開左迪迪尼，我地又轉戰另一個地方，就係去青衣城搵藍精靈啦！

其實上次同小肥肥入迪迪尼之後，我地都想過埋去青衣城，不過因為當時小小豬玩到實在太攰，所以最後都去唔到。今次雖然我都玩到攰攰地，不過有得去影相我又點會放過呀！

係迪迪尼行到又攰又餓，我地當然係先去食DINNER先啦。原本都打算去食日本嘢，不過勁多人排隊，所以最後我地貪方便去左唔洗排隊嘅SPAGHETTI HOUSE啦~

啲嘢真就真係好一般，尤其係個甜品，個品總係怪怪咁，所以我都食唔到。不過個蝦花邊麵就幾好食，可以同大家推介一吓呀！

食飽飽就有精力去影藍精靈啦~






 

其實我地仲影左好多相，不過因為用左小肥肥部相機影，所以暫時同唔到大家分享啦！

啲藍精靈真係好得意，最衰就係入場只有十分鐘，時間真係唔多夠。我地都係因為捐左兩次錢，先可以影得晒呀。