我的第一份生日禮物

1 AUGUST 2011(MON)

我最鐘意嘅八月已經來臨，因為係我同小小豬嘅生日月嘛！我已經PLAN好左一連串嘅活動，所以依個八月真係好忙，忙住帶帶埋小小豬一齊去玩，真係諗起都好開心。

一踏入八月嘅第一日，就已經預到一件開心事，就係收到本年度第一份生日禮物，依一套三件嘅手袋就係小肥肥送俾我嘅生日禮物嚟啦~


紅色夠SHARP真係啱晒我依啲浮誇嘅人。其實另外我想講嘅係.....我其實係考慮緊買一個斜咩袋，方便名小小豬去街街用，依家唔洗周圍搵啦！哈哈...依個小肥肥真係知我心意，多謝晒呀！

今日除左收到小肥肥生送嘅生日禮物之外，其實仲有另外一份，依一份就係一位男老師去完泰國旅行返嚟送俾我嘅手信。 雖然話係手信，不過唔理咁多，生日月收到嘅嘢我都會全部當晒佢係生日禮物，咁會開心好嘛~


哈哈... 一踏入生日月第一日就咁開心收到兩份禮物，都算叫做有一個好嘅開始啦！就等我係依個月暫時忘記啲唔開心事，希望可以俾我開開心心咁過啦！