K'S FAMILY@MITSUKI STUDIO

31 JULY 2011(SUN)

今日係小小豬嘅農曆一歲生日，我地帶左佢去做一件好特別嘅事，就係去左STUDIO影我地第一輯嘅家庭照啦！哈哈..其實係BOOK嘅時候，我都唔知道今日係小小豬嘅農曆生日，只係剛好嗰日有期就約嗰日呀！)

依輯相係早前見團購網有優惠套餐，見百幾蚊就可以去影，所以就咪又JOIN埋一份，諗住去去影啲三口子嘅溫馨相啦！除左覺得平之外，其實另一個目的就係等小小豬先影左一次，等佢熟悉左係STUDIO影相嘅環境，到我地去影SOGO FACE影時，可以有好嘅表現得好啲！(唔好意思.....始終都係對大公司有信心啲)

今日原本我地BOOK左兩點開始計影個半鐘，不過因為我地之後個BOOKING取消左，所以攝影師哥哥有好多時間，幫我地影左好多相，我地影左大大話話都有成兩個幾鐘，連埋最後即時揀相，最後成六點鐘先走呀。

由於係即時拎相關係，所以就即刻可以同大家分享啦！我自己都勁開心，開頭仲以為要等多成個星期先有相睇，估唔到咁快手，唔洗心掛掛嘛！

先嚟第一個PART~

勁鐘意依一張，好似好SWEET呀~

LULU妹都有同我地一齊去影，睇佢同小小豬影得幾開心~

第二PART係我最鐘意，因為係親子裝，同埋影左好多三口子溫馨相呀~

睇吓大肥豬同小小豬玩得幾開心~

我都唔弱，同小小豬玩得開心，佢仲不停錫錫我，真係勁冧呀~

最後一PART，到小小豬SOLO，不過我好鐘意依個佈景，好靚呀~

依輯相整體上都OK，我有好幾張都好鐘意。其實攝影師哥哥都冇指定要我地擺乜POSE，任由我地發揮，可能係咁情況下，就可以影到啲自然相啦！全日唯一唔好嘅就係小小豬唔合作，雖然都唔算好扭計，只不過就扮晒COOL唔識得笑，真係俾佢激C呀！