仲有十幾日就到小小豬一歲生日，話晒都係第一個生日，當然要重視一吓啦！ 我已經PLAN好左點同小小豬去慶祝，不過依家唔講俾大家知住，留返啲神秘感嘛...哈哈！
生日嗰日當要要靚仔啲啦，所以我成日都想買靚嘅新衫仔俾小小豬，同小豬媽都為依件事行過幾次街，不過都係買唔到，揀唔啱心水。
今日同糖糖食完LUNCH之後，路過DINSEY BABIES，原本都冇打算入去睇，不過...就係俾佢地櫥窗條工人褲吸引左，所以就入左去睇。
就係咁.....就買左條工人褲等小小豬生日著呀~
條褲仔除左幾得意之外，佢好嘅就係個質地薄薄地，啱晒怕熱嘅小小豬呀！
哈哈.....條工人褲紅卜卜，真係好啱生日著呀，為左生日而買，咁即算係第一份生日禮物啦！
沒有留言:
發佈留言