向M碼講拜拜

30 JUNE 2011 (THU)

小小豬自係三個多月時換左M碼片片之後，一直都未洗轉大碼片，開頭我都真係有啲擔心，點解咁耐都未需要換，係唔係小小豬唔夠營養冇再長大，所以仲啱著中碼片片。

不過，依個擔心可以解決左啦，因為小小豬由今日開始轉用大碼片片啦~

 

前幾日係我地幫小小豬換片片嘅時候，就發現個脾仔有啲箍到紅紅地痕跡，不過都叫做唔係太嚴重，所以都未有意式去轉。

不過，尋晚係換片片時就發覺個紅痕情況嚴重左，箍到成個脾仔都有橡根痕，好似紅紅腫腫咁，所以我地就決定要即刻換大碼啦！

哈哈....唔知下次幾時先再轉XL呢？不過幾時都唔緊要，最重要就係小小豬可以健健康康、開開心心咁成長嘛！