幼稚園天書

19 JULY 2011 (TUE)

早幾日大肥豬問我有冇朋友係荷花嘅VIP，因為佢知道荷花出左一本幼稚園天書，佢想買嚟開始究竟吓啲幼稚園，話開始要物式一間好嘅幼稚園俾小小豬。

就正當我問緊周圍朋友時VIP問題時，今日大肥豬已經急不及特係7仔買左本書返嚟啦~

 

真係估大肥豬唔到，因為平時如果知道有優惠嘅話，佢都一定等吓先。不過我知道佢都係因為緊張小小豬嘅學習，先咁著急買本天書嚟睇，真係一個好爸爸啦！

其實我都有問過洗唔洗咁快開始搵定幼稚園，不過大肥話因為好多幼稚園收生都會早一年，所以依家睇定啲介紹，揀定幾間心儀嘅，到時就唔會咁急趕嘛！

我都有睇到本天書，我都有一個問題想問吓大家，希望各位媽咪可以俾啲意見我地呀！

我見有啲幼稚園話可以2歲就入學(即係幼兒班)，但我印象中都好似入幼稚園係3歲，咁我地其實係唔係應該2歲就開始帶小小豬返幼兒班？幼兒班同幼稚園又有乜分別？有返幼兒班嘅小朋友會唔會對將來學習會好啲？

唉....唔怪得之好多人都話，小朋友一返學就會有咁多問題。為左小小豬嘅將來，我地一定要好好認真咁諗清楚先得啦！

好在....小小豬有一個好爸爸(我自問依方面就冇大肥豬咁有頭腦)，相信一定可以幫小小豬揀到最好呀！