閒遊觀塘海濱公園

1 JULY 2011 (FRI)

原本今日約好左糖糖同小小肥入迪迪尼酒店影相，不過一朝早起身就見到傾盆大雨，所以我地依個節目唯有取消，真係掃興啦！

係屋企悶左成個朝早，下午見個天氣好左好多，仲見到太陽伯伯添，所以大肥豬就建議近近地帶我地去一個新地方行吓玩吓。

大肥豬口中嘅新地方就係觀塘海濱公園啦！ 嗰度雖然唔大，不過個VIEW真係幾正好舒服，我地仲見到好多龍友係度影人像，相信依度將會係一個影相好地方。

影人像就冇我份啦，依家就算係影相，都只幫小小豬影啦~

小小豬依家可以扶住啲嘢行幾步，所以我地就手拖手三口子行海旁。小小豬真係行得似模似樣，好叻叻呀~

散步之後，我地係公園入面嘅設施玩，睇吓小小豬玩得幾開心~

依個小小豬始終都係鐘意爬爬，一放佢落蓆度就古靈精怪咁啦~

我仲帶埋個泡泡一齊去玩，睇吓小小豬好似係度捉泡泡呀~

玩左約唔多一個鐘左右，見小小豬開始扭眼瞓，所以我地就返屋企啦！

不過依度咁近，搭的士去都只係廿幾蚊，所以有時間都會再嚟。大肥豬仲PLAN好下次算係黃昏嚟，到時順便可以睇埋日落嘛！