HEA遊迪迪尼

25 JUNE 2011 (SAT)

話說大肥豬係送左張迪迪尼AP俾我做結婚三周年禮物嘅時候，我地PLAN好左等小小豬一歲時先去開咭。

我依個迪迪尼FANS有張AP係手又點會唔身痕，成日都好想快啲帶埋小小豬入去玩。之前都有好幾次想入，最後天使都係勝利左，所以一直都仲未開咭。

不過....今日抽起左條根好想入，加上大肥豬又唔反對(可能佢已經頂我唔順啲煩功)，所以我地今日就入左迪迪尼玩啦！

原來舊有嘅AP已經冇左，所以我地要加錢成為MP呀~

一入到去，我地就即刻係城堡影相啦~

再去小小世界坐船仔，因為啲人去晒睇巡遊，所以我地完全唔洗排隊，仲可以包船添。不過小小豬好似唔多鐘意，表現得驚驚地，全程都要大肥豬抱住~

係路過商店時，小小豬見到啲BUBBLES又追住咁望呀~

之後我地就去同公仔影相，好在都唔算多人，排左一陣就影到相啦！我地先去搵MICKEY，小小豬一見MICKEY就望到實一實，仲同米奇玩左一陣。 唔知係唔係屋企成日睇MICKEY嘅DVD，所以仔仔好似好鐘意佢， 完全唔理身旁嘅DUFFY呀~

 

再去史迪仔影相，不過小小豬好似唔識史迪仔，要玩一陣先肯影相呀~

之後因為見小小豬都開始攰，所以我地都冇再去玩，只係行吓SHOP睇吓公仔咁~

係行SHOP途中小小豬已經係我地不知情的情況下瞓左，所以我地都即刻走啦！

雖然今次真係好似HEA遊迪迪尼，不過話晒小小豬都係第一次入，唔想佢太辛苦，加上我地又有MP，幾時入到冇問題，等小小豬慢慢玩仲好啦！