小小豬上學了

8 JULY 2011 (FRI)

還記得小小豬仍係我肚入面嘅時候，當時我同大肥豬都有傾過俾唔俾小小豬去上PLAYGROUP問題。不過當時我地都覺得好似唔係太需要，所以話唔需要俾小小豬去上堂。

不過依個想法我地就係上兩個月開始有所改變，之前都講過，我地發覺佢比較怕羞(定係細膽)，一出街就咁唔多出聲又冇乜表情，同佢點玩都係傻豬豬咁，但一返屋企就即刻精神晒，其實我地都已經成日帶佢去街玩，不過都唔知點解會仲係怕怕羞羞。

再加上依兩個月覺得小小豬學嘢方面都幾OK，好多事都係教佢兩次左右就會學識，仲會間唔中自己就會做返個動作出嚟，都好似幾叻叻咁呀。

睇以上兩點，我地都覺得係時候帶佢去上PLAYGROUP，一嚟可以帶佢去同差唔多年紀嘅BB玩，二嚟有老師正確指引學習，起碼都專業過我地，加上又可以有學習進度跟進，應該對小小豬學習會好啲呀！

不過原來搵PLAYGROUP都唔係一件易事，我都搵左好耐，因為真係好多選擇。最後聽好多媽媽介紹，決定CPDA，不過就話要排WAITING咁，

終於今日都收到電話排到 WAITINT位，仲交埋學費添~

哈哈...小小豬八月尾開始就要返學，到時已經係一歲嘅小朋友，應該學習會OK呀！

不過，其實我都有少少擔心，好驚揀錯學校報錯名。希望小小豬可以乖乖上堂，做個叻叻小寶寶啦！