08 MAY 2009 (FRI)
由於今日放工要出旺角整啲野，當然又借機約埋大肥豬去行街食飯啦！
雖然今日個心情都仍未平覆番晒，不過有得SHOPPING就點都會有心機。哈哈~~
當我行過間首飾店時，竟然俾我見到條恨左好耐嘅手鐲，就係一條有噹噹嘅手鐲，見到隻鐲...真係考慮唔夠幾分鐘就買左~
其實我係一個噹噹狂徒，任何噹噹嘅飾物都勁鐘意，曾經試過買過一條手鏈係成串噹噹咁，嗰時仲成日俾大肥豬笑我扮細路仔添。
之前都買買埋埋好多噹噹手鏈、腳鏈咁，但好多都已經斷左，所以好耐都冇戴過噹噹首飾。加上近依幾年我都好少見到噹噹首飾，就算有....都真俾小朋友戴，俾大人嘅真係好少啦！
所以一見到又點會唔心動，好在有拆扣，如果唔係又大破產。不過見到心頭愛，貴少少都值得.....呵呵~
沒有留言:
發佈留言