大肥豬炒飯

19 MAY 2009 (TUE)

今晚真係乖啦...因為又嚟煮飯仔，不過今餐依樣餸都係第一次煮呀！

依個就係我地嘅今日晚餐~

哈哈....我地今日個主菜就係炒飯啦！

其實大肥豬係好鐘意食炒飯，成日都叫我整，但我都未試過炒，所以一直都唔敢試。見大肥豬講左咁多次，好啦...就試吓整啦！

不過見係第一次整，所以唔敢買啲貴材料，用普通嘅腸仔、火腿、什豆試吓先，諗住就算失敗左都冇咁慘嘛....哈哈！

係我開始炒飯嘅時候，大肥豬突然走入廚房，話要炒埋一份，之後就直頭搶左我個鑊鏟不停炒，所以話...依碟炒飯係大肥豬出品，不過冇我教路佢又點識炒呢~

我地第一次炒飯又真係唔錯，係啲飯好似唔太乾身，不過第一次嚟講都唔錯，都算成功啦！既然成功，下次等我買啲海鮮返嚟整個海鮮炒飯先得。