02 MAY 2009 (SAT)
當我地失望地離開彭福公園之後，見時間尚早當然要再搵節目。係依個時候，我同大肥豬都諗起同一個地方，就係去買多幾條魚仔返屋企啦！
所以我地就再向金魚街出發，今次我地慢慢行，間間有買金魚嘅鋪頭都入去八卦一下。最後入左一間慢慢睇慢慢揀。
原來揀金魚都有學問，又要睇吓佢地精唔精神，又要睇吓佢地肥唔肥。當然我地初哥都唔理咁多，見肥肥地又幾好樣就撈走佢，最後我地買左六條魚仔走啦！
一返到屋企即刻將佢地放埋入魚缸，哈哈...幾壯觀~
見到啲魚仔游來游去，尤其有啲魚仔有唔同表情，真係仲得意呀。見到佢地人都好開心啲呀！
哈哈....大肥豬當然比我開心好多啦，仲不停幫佢地影相又拍片(以下圖片由大肥豬提供)~
沒有留言:
發佈留言