失驚冇神配眼鏡

24 MAY 2009 (SUN)

今日成日都係落好大雨，攪到冇得去街街，真係有啲掃興添。

大肥豬話驚我成日都留係屋企，怕我會悶到傻左，所以我地食完LUNCH之後，就去屋企附近嘅商場睇吓嘢，順便去街市買餸煮飯仔。

唔知係唔係落雨關係，個商場好少鋪頭開左，就算有都係剛剛開門，唔好意思入去睇嘢，所以好快咁行左一個圈就走人，再去超市入貨。

係我地行完超市時，過路見到眼鏡88，大肥豬就入去請啲職員幫佢教一教個眼鏡。

依個時候，我見到鋪入面有自助COUNTER，咁我就行去八卦吓，貪玩咁揀幾個嚟試吓啦！

當我戴起依副眼鏡時，大肥豬就話：幾好睇呀...你副都戴左好耐，依家又有特價，咁咪配左佢，當配多副後備都好呀！

就係咁，我就係完全冇心理準備下，配左依副靚靚膠框眼鏡啦~

等多四日就有新眼鏡戴，不過最開心嘅都係...依副眼鏡係大肥豬送俾我呀！呵呵呵~~~