貼心的驚喜

八月係一個好重要嘅月份，因為今個月就係我嘅生日月，我要日日都開心..YEAH~

一踏入生日月，大肥豬就俾左一個驚喜俾我啦！收到一份提早嘅生日禮物呀~

當我收到依份禮物仔嘅時候，真係開心到叫左出嚟，因為係一份我想搵左好耐嘅嘢嚟，大肥豬仲好有心思咁整左D特別添。

登..登...登...登~~依份禮物就係一相對片鎖匙扣，第一面就係放左我最鐘意嘅結婚相呀！

另一面就係放左我地小朋友時嘅學生相

大肥豬仲幫我安排好晒，我小朋友相就係佢用；我就當然用佢小朋友嗰張相啦！哈哈~~

原本打算生日嗰日先開始用，不過實在忍唔住啦，所以叫大肥豬即刻換左佢呀！

上次同大小M去完迪迪尼食自助餐時，小M送左依個迪迪尼鎖匙扣俾我地時，我已經好想用。不過我又怕會整花，所以一直KEEP住唔捨得用。

但我又好鐘意依D相片鎖匙扣，所以就周圍搵，想自己平平地整番個嚟粗用。問過好多間，上網又搵過都係搵唔到，都已經打算放棄唔再搵啦~~~

今日竟然收到依兩個鎖匙扣，仲有咁好安排，都真係開心到唔知講乜好啦！不過又奇怪，我都好似冇同過大肥豬講我想搵，佢竟然知道，仲整左嚟送俾我，所以都真係好開心，估唔到大肥豬會咁細心同鬼馬，俾左依個驚喜俾我。

雖然係其他人眼中，係一個普通可以放相嘅匙扣，都係D平野冇乜特別。但對我嚟講...依一份真係一份好貼心...細心...好特別嘅禮物.......總之就係好開心啦！

雖然依份可能係我唯一嘅生日禮物(因為已經講好左唔好買禮物俾大家)，不過我都已經好滿足，因為依份禮物係代表左.............大肥豬真係好鍚我呀~~~哈哈哈！