今日LULU妹嚟左屋企作客(哈哈....因為想試吓訓佢張新床仔啦~),當然就要煮 吓飯仔招呼啦!
依個就係我地嘅是日晚餐啦~
首先就係一碟好好味嘅勝瓜炒肉片。我就覺得個勝瓜冇上次煮得咁『林』,都有少少進步啦!
之後就係腐乳生菜
最後就係一碟煮極都係失敗嘅腸仔煎雞蛋
唉...已經跟左小豬媽學過煎雞蛋,不過次次都係腸仔還腸仔,雞蛋還雞蛋,唔可以MATCH埋一齊,真係失敗。睇嚟真係要煎多D,去小豬媽度偷多幾次師先得。(不過希望唔好要試得太多次啦!)
原本打算整甜品俾大家食,不過返到屋企先記得冇買糯米粉。算啦...下次先再整啦......依家有張床仔係度,LULU妹都可以成日嚟食啦!哈哈~~
沒有留言:
發佈留言