九龍寨城公園

今日放埋我係個學年最後一日嘅大假(因為之前嘅大假都用晒去結婚同旅行，依家得番一日..好慘呀~)，所以都叫埋大肥豬放假，陪我一齊去玩吓！

原本PLAN左今日係去大埔海濱公園影相，可能前兩日玩得開心過頭，攪都倦倦地訓晏左，所以去唔到海濱公園。唯有等下次再去啦！

我又想趁好好嘅天氣去影相，最後大肥豬就帶左我去近近地嘅九龍寨城公園影相啦！

依個公園都真係幾靚，古式古香，又有好多花草樹木，都係一個唔錯嘅影相地方，我又影左好多相啦~

可能係平日關係，唔係太多人，只係有D公公係度坐休息，所以都好唔容易先搵到個遊人幫我地影合照。

就係因為冇人幫我地影合照，所以我就的起心肝去研究部傻瓜機點影自拍。經過一輪失敗，終於都成功識得影自拍啦！

哈哈~~為左要影多D合照，我已經決定左去買個腳架，咁下次就可以影多D合照啦！

係公園入面有一個地方都幾得意，放晒十二生肖嘅石公仔，我地又係度玩視覺效果相，哈哈~~

臨走時係門口見到有迎馬術奧運嘅馬仔，所以又影番張留念啦！

係公園入面逗留左兩個鐘左右就走，我地加加埋埋都影左成七十幾張相，都真係大豐收。

不過豐收嘅唔只我，公園入面D蚊蚊都好飽滿，因為我俾佢地咬左好多啖呀！好慘呀~~~又成腳蚊印啦！

哈哈...不過唔緊要啦，話咁快就過左開心嘅一天啦！